ललितपुरमा पशुमा लम्पी स्किन संक्रमण भयावह
ललितपुर— ललितपुरमा लम्पी स्किन संक्रमण बढ्दो क्रममा देखिएको छ । झिङ्गा, लामखुट्टेका टोकाइबाट पशुमा सर्ने संक्रमण भयावह हुँदै गएको हो ।
भेटेरिनरी अस्पताल तथा पशु सेवा विज्ञ केन्द्र ललितपुरकी डा.निशा तिमिल्सिनाका अनुसार ललितपुरमा वैशाखदेखि साउन १६ गतेसम्ममा एक हजार चार सय ३१ पशु संक्रमित भएका छन् ।
संक्रमितमध्ये ७२ भैँसी र ११ गाई मरिसकेका छन् । संक्रमण बढ्दो क्रममा रहेको उनले बताइन् ।
केन्द्रले थप क्षति नहोस् भनेर सजकता अपनाएको जानकारी दिँदै उनले जिल्लाभरमा आठ हजार तीन सय गाईभैँसीलाई लम्पी स्किनविरुद्धको खोप लगाइसकेको बताइन् ।
प्रकाशित मिति: बिहीबार, साउन १८, २०८० ०८:५०
थप समाचार
