काठमाडौं— कालीमाटी फलफूल तथा तरकारी बजार विकास समितिले मंगलबारका लागि मूल्य सार्वजनिक गरेको छ । समितिले सार्वजनिक गरेको तरकारीको न्यूनतम मूल्यमा सोमबारको भन्दा केही गिरावट आएको छ ।

च्याउ, कुरीलो सानो लोकल गोलभेँडामा भने ३० देखि ५० रुपैयाँसम्म मूल्य बढेको छ । ठूलो गोलभेँडाको न्युनतम मूल्य प्रतिकेजी ८० रुपैयाँ रहेको छ । सानो गोलभेँडाको मूल्यमा भने सोमबारको तुलनामा १२ रुपैयाँले बढेर आज प्रतिकेजी ४० रुपैयाँ पुगेको छ ।

समितिले आज रातो आलु प्रतिकेजी ४६ रुपैयाँ मूल्य निर्धारण गरेको छ । सेतो आलुको मूल्य ३५ रुपैयाँ न्यूनतम मूल्य राखेको छ । सोमबारको तुलनामा दुवैको मूल्य स्थिर छ ।

स्थानीय काउली प्रतिकेजी १० रुपैयाँले घटेर आज ७० रुपैयाँमा किनबेच भइरहेको छ भने भारतीय सुकेको प्याज ४८ रुपैयाँ न्यूनतम मूल्य निर्धारण गर्दा लोकल बन्दाको भाउ प्रतिकेजी १० रुपैयाँ रहेको छ ।

कालीमाटी बजारमा आज गाँजर लोकल प्रतिकेजी १००, घिउ सिमी लोकल ४०, राजमा सिमी ११०, मूला रातो ४०, मूला सेतो लोकल १५, भन्टा लाम्चो ७०, मकै बोडी ६०, भटमासकोशा ६०, तितो करेला ४०, लौका ६०, परवल ३५, फर्सी पाकेको४० हरियो फर्सी (डल्लो) ४०, कन्ने च्याउ १५०, डल्ले च्याउ ३४०, कुरीलो २५० र स्कूस ६० रुपैयाँ प्रतिकेजीमा खरीद बिक्री भइरहेको छ ।

रायोको साग प्रतिकेजी ७० रुपैयाँ, तोरीको साग प्रतिकेजी ५० रुपैयाँ, हरियो प्याज ९० रुपैयाँ न्यूनतम मूल्य रहेको छ ।  त्यस्तै, फलफूमा केरा दर्जन १५० रुपैयाँ तोकिएको छ भने फूजी स्याउ २० हिजोको तुलनामा २० रुपैयाँले बढेर प्रतिकेजी ३२० पुगेको छ ।

कागती ११०, अनार४००,आँप मालदह १५०,अंगुर कालो ५५०,तरबुजा हरियो ८०, मौसम २२०,किवि ८००, मेवा ९० रुपैयाँ प्रतिकेजी तोकिएको समितिले जनाएको छ ।