राज्यको ढुकुटीमा रजाइँ
राष्ट्रपतिको ५५ लाख उपचार खर्च सरकारले बेहोर्ने मन्त्रिपरिषद् बैठकको निर्णय
काठमाडौं— राष्ट्रपति रामचन्द्र पौडेलले भारतमा गराएको उपचार खर्च सरकारले नै बेहोर्ने भएको छ ।
सिंहदरबारस्थित प्रधानमन्त्री तथा मन्त्रिपरिषद्को कार्यालयमा मंगलबार बसेको मन्त्रिपरिषद्को बैठकले सो निर्णय गरेको हो ।
राष्ट्रपति पौडेलले भारतमा उपचार गर्न जाँदाआउँदा लागेको हवाई भाडा, अस्पतालको खर्च र सुरक्षाकर्मीको दैनिक भ्रमणभत्तालगायतमा ५५ लाख २ हजार २ सय ७९ रुपैयाँ सरकारले बेहोर्ने भएको हो ।
उक्त रकम निकासाका लागि अर्थ मन्त्रालयलाई अनुरोध गरिएको परराष्ट्र मन्त्रालयका एक अधिकारीले जानकारी दिए ।
यसअघि राष्ट्रपति पौडेलले विज्ञप्ति जारी गर्दै आफैंले उपचार खर्च बेहोर्ने बताएका थिए ।
यस्ताे थियाे विज्ञप्ति
प्रकाशित मिति: मंगलबार, असार १९, २०८० १९:०२
थप समाचार
