नेप्से परिसूचकमा उच्च अङ्कले गिरावट
काठमाडौं— धितोपत्र बजारमा शेयर कारोबार मापक नेप्से परिसूचक आइतबार उच्च अङ्कले ओरालो लागेको छ ।
नेपाल स्टक एक्सचेन्जका अनुसार नेप्से परिसूचक ५३ दशमलव ७० अङ्कले ओरालो लागेर दुई हजार ९७ दशमलव २९ मा सीमित भएको छ ।
ठूला कम्पनीको शेयर कारोबार मापक सेन्सेटिभ परिसूचक १२ दशमलव २३ अङ्कले ओरालो लागेर तीन सय ९० दशमलव ५२ मा सीमित भएको छ । कारोबार भएका १३ वटै उपसमूहको शेयर मूल्यमा गिरावट भएको छ ।
कूल एक करोड १३ लाख २३ हजार एक सय ८३ कित्ता शेयर पाँच अर्ब आठ करोड १९ लाख ७६ हजार एक सय ७९ रुपैयाँ बराबरको कारोबार भएको छ । नेप्सेका अनुसार, कारोबारका आधारमा हिमालयन लाइफ इन्स्युरेन्स शीर्ष स्थानमा छ ।
प्रकाशित मिति: आइतबार, असार १७, २०८० १६:१५
थप समाचार
