सिंगो सदनको विश्वास
मधेस प्रदेशका मुख्यमन्त्री यादवले पाए दोश्रो पटक विश्वासको मत
काठमाडौं— मधेस प्रदेशका मुख्यमन्त्री सरोजकुमार यादवले दोश्रो पटक विश्वासको मत पाएका छन् ।
जेठ १ गते नेकपा एमालेले समर्थन फिर्ता लिएपछि मंगलबार ३० औं दिनमा उनले विश्वासका मत लिएका हुन् । उनलाई प्रमुख प्रतिपक्षी एमालेसहित सदनका सबै दल र स्वतन्त्र सांसदले विश्वासको मत दिएका छन् ।
१०७ सदस्यीय प्रदेश सभामा उनको विश्वासको मतको पक्षमा मतदानमा भाग लिएका सबैको १०३ मत परेको छ । सभामुख र उपसभामुखसहित बैठकमा १०५ सांसद उपस्थित थिए । पुस २७ गते मुख्यमन्त्री नियुक्त भएका यादवले पहिलो पटक माघ ४ गते विश्वासको मत पाएका थिए ।
प्रकाशित मिति: मंगलबार, जेठ ३०, २०८० २०:४३
