काठमाडौं — अर्थमन्त्री डा. प्रकाशशरण महतले आर्थिक सर्वेक्षण अनुसार सरकारी स्वामित्वका १९ वटा संस्थान घाटामा रहेको जानकारी दिएका छन् । 

आइतबार आर्थिक सर्वेक्षण २०७९—८० को आर्थिक सर्वेक्षण संसद्मा प्रस्तुत गर्दै उनले सरकारी स्वामित्वका ४४ मध्ये २५ संस्थान नाफामा र १९ संस्थान घाटामा रहेको जानकारी दिएका हुन् । 

‘सरकारी लगानी रहेका ४४ मध्ये २५ संस्थान नाफामा छ । सार्वजनिक संस्थामा सरकारको शेयर तथा ऋण लगानी २०७९ असारसम्म ६ खर्ब १८ अर्ब पुगेको छ । नेपाल सरकारले ६ अर्ब १६ करोड लाभांश प्राप्त गरेको छ ।’ 

सरकारले यो वर्ष संस्थाहरूबाट ६ अर्ब १६ करोड लाभांश प्राप्त गरेको उनले जानकारी दिए ।