काठमाडौं— नेपाली बजारमा सुनको मूल्य तोलामा ५ सय रुपैयाँले घटेको छ । 

नेपाल सुनचाँदी व्यवसायी महासंघका अनुसार अघिल्लो दिन प्रतितोला १ लाख ८ हजार ८ सय रुपैयाँमा कारोबार भएको छापावाला सुनको मूल्य शुक्रबार ५ सय रुपैयाँले घटेर १ लाख ८ हजार ३ सय रुपैयाँमा झरेको हो ।

यस्तै, तेजाबी सुनको मूल्य तोलामा ५ सय रुपैयाँले नै घट्दै १ लाख ७ हजार ८ सय रुपैयाँमा कारोबार भइरहेकोे छ ।

चाँदीको तोलामा अघिल्लो दिनको भन्दा ५ रुपैयाँले घटेर १ हजार ३४५ रुपैयाँमा कारोबार भइरहेको महासंघले जनाएको छ ।