काठमाडौं— कोरोना भाइरस संक्रमितको संख्या क्रमशः कम हुँदै गएको छ । विगत एक हप्ताको तथ्यांक हेर्दा कोरोना भाइरसको संक्रमण घटेको पाइएको हो ।
स्वास्थ्य तथा जनसङ्ख्या मन्त्रालयका अनुसार आइतबार सात सय ६८ जनामा गरिएको परीक्षणमा चार जनामा मात्र संक्रमण देखिएको छ ।
६ जेठमा १४, ५ जेठमा ३०, ४ जेठमा २४, ३ जेठमा २४, २ जेठमा २१ र १ जेठकम २१ जनामा संक्रमण देखिएको छ ।
इमिडिमियोलोजी तथा सरुवा रोग नियन्त्रण महाशाखाका निर्देशक डा.चुमनलाल दासले भारतमा पनि संक्रमण कम भएकाले नेपालमा घट्दो रहेको बताए ।
उनले भारतबाट संक्रमित नेपाल नआउनु र कोरोना भाइरस विरुद्धको खोपको प्रभावले संक्रमण घटेको बताए ।
‘भारतमा पनि संक्रमण कम थाल्यो । नेपालमा खोपको प्रभाव देखियो’,उनले भने,‘समुदायमा खोप लगाएमा मानिसको संख्यामा धेरै भएकाले संक्रमण पनि सर्न पाएन । त्यसैले संक्रमण घटिरहेको छ ।’
कोरोना भाइरस घट्ने बढ्ने भइरहेकाले अब बढ्दैन भन्ने अवस्था नरहेको उनले बताए ।
अहिलेसम्म ७० जना सक्रिय संक्रमित रहेका छन् । यस्तै तीन आइसोलेशन, एक जना आइसियु र एक जना भेन्टिलेटरमा उपचाररत रहेका छन् ।
गत चैत महिनामा कोरोना भाइरसको नयाँ भेरियन्ट ओमिक्रोन एक्सविवि. १.१६ देखापरेपछि संक्रमण बढेको थियो ।
