काठमाडौं — शेयरबजारमा आज ‘करेक्सन’ आएको छ।

नेपाल स्टक एक्सचेन्जका अनुसार बजार परिसूचक नेप्से ८.३० अंकले घटेर २७४८.०५ विन्दुमा थामिएको हो। यस दिन बजारमा कुल १ करोड ६६ हजार कित्ता शेयर किनबेच भए। सो किनबेचमा ८ अर्ब ५४ करोडको कारोबार भएको हो। 

बिहीबार ५० वटा शेयर बढे पनि १९४ वटा घट्नपुगेका छन्। आज कुल ३ वटा सेयरमा सर्किट ब्रेक भएको छ। विशाल बजार कम्पनी र विन नेपाल लघुवित्तको सेयर १० प्रतिशतले बढेको र मानुषी लघुवित्तको भने सोही दरमा घटेको हो।

यसअनुसार बढ्ने कम्पनीका शेयरधनीले प्रतिकित्ता क्रमशः ४९५ रुपैयाँ र २५९.५० रुपैयाँ आम्दानी गर्दा मानुषीका शेयरधनीले २४९.९० रुपैयाँ गुमाएका छन्।

कारोबारतर्फ आज एक्सेल डेभलपमेन्ट बैंकका लगानीकर्ताले ३१ करोड, नेपाल फाइनान्सको २९ करोडको उच्च शेयर कारोबार भएको छ।