अमेरिकाको टेक्सास राज्यमा नेपाली युवतीको गोली हानी हत्या
काठमाडौं— अमेरिकाको टेक्सासस्थित ह्युस्टन शहरमा अध्ययनरत एक नेपाली युवतीको गोली हानेर हत्या भएको छ।
भोजपुर घर भएकी करिब २१ वर्षीया मुना पाण्डे ह्युस्टनको हिलक्रप्ट नजिकैको अपार्टमेन्ट बस्थिन्। अपार्टमेन्ट मै उनको हत्या भएको हो। उनको छातीमा गोली लागेको छ।
घटनाबारे प्रहरीले अनुसन्धान गरिरहेको छ।
मृतक एफ वान भिसामा ‘इन्टरनेसनल स्टुडेण्ट’को रुपमा सन् २०२१ मा अमेरिका गएकी थिइन्। उनी ह्युस्टन कम्युनिटी कलेजमा अध्ययनरत थिइन्।
मुनाका साथीहरुका अनुसार उनको फोन दुई दिनदेखि स्वीच्डअफ थियो। तर उनको फोन भने फेला परेको छैन।
नेपालमा रहेका उनका परिवारका सदस्यलाई घटनाका बारेमा खबर गरिसकिएको छ।
टेक्सासमा रहेका पत्रकार हरी गौतमको सहयोगमा यो समाचार तयार पारिएको हो– सम्पादक।
प्रकाशित मिति: बुधबार, भदौ १२, २०८१ ०८:२३
थप समाचार
