काठमाडौं— नेपाली बजारमा आज (बुधबार) सुनचाँदीको मूल्य घटेको छ।

मङ्गलबार प्रतितोला दुई हजार एक सय रुपैयाँ बढेर हालसम्मकै उच्च विन्दुमा पुगेको सुनको भाउ आज प्रतितोला तीन सय रुपैयाँ घटेको हो। 

नेपाल सुनचाँदी व्यवसायी महासङ्घका अनुसार आज छापावाल सुन प्रतितोला एक लाख ५० हजार पाँच सय रुपैयाँमा कारोबार भइरहेको छ। 

मङ्गलबार छापावाल सुन प्रतितोला एक लाख ५० हजार आठ सय रुपैयाँमा कारोबार भएको थियो।

त्यसैगरी, बुधबार चाँदीको मूल्य पनि घटेको छ। आज चाँदी प्रतितोला १७ सय ३५ रुपैयाँमा कारोबार भइरहेको छ।मङ्गलबार चाँदी प्रतितोला १७ सय ४० रुपैयाँमा कारोबार भएको थियो। मङ्गलबारको तुलनामा बुधबार चाँदी प्रतितोला ५ रुपैयाँ घटेको हो।