मानसिक समस्या भएकी महिलामाथि सामूहिक बलात्कार, ३ विद्यार्थी पक्राउ
चितवन— चितवनको माडी नगरपालिकामा मानसिक समस्या भएकी एक महिलालाई बलात्कार गरेको आरोपमा ३ जना विद्यार्थी पक्राउ परेका छन्।
पक्राउ परेका विद्यार्थीहरु चितवन बाहिरका जिल्लाबाट पढ्न माडी आएर बसेका १७, १८ र २१ वर्ष उमेरका छन्।
माडी नगरपालिका– ७ किर्तनपुर नजिकै २७ वर्षीया महिलामाथि सामूहिक बलात्कार भएको हो। पक्राउ परेकाविरुद्ध अनुसन्धान भइरहेको चितवन प्रहरीले जनाएको छ।
माडीको एक प्राविधिक शिक्षालयमा अध्ययनरत ती विद्यार्थीहरुले डेरा लिएर बसेको घरको कोठामा महिलालाई लगेर बलात्कार गरेको आरोप छ।
प्रकाशित मिति: शुक्रबार, साउन १८, २०८१ ०८:१९
थप समाचार
