काठमाडौं— नेपाली बजारमा आज सुनचाँदीको मूल्य बढेको छ।

बुधबार सुन तोलाको १८ सय रुपैयाँले बढेर एक लाख ४७ हजार ८ सयमा कारोबार भएको नेपाल सुनचाँदी व्यवसायी महासङ्घले जनाएको छ।

यसअघि मङ्गलबार सुनको मूल्य तोलाको १ लाख ४६ हजार रुपैयाँ रहेको थियो।  त्यस्तै, आज तेजाबी सुन प्रतितोला १ लाख ४७ हजार एक सय रुपैयाँमा खरिदबिक्री भइरहेको नेपाल सुनचाँदी व्यवसायी महासङ्घले जनाएको छ ।

त्यस्तै आज चाँदीको मूल्य पनि बढेको छ। चाँदी आज प्रतितोला ४० रुपैयाँले बढेर तोलाको १७ सय ८० रुपैयाँमा कारोबार भइरहेको महासङ्घले जनाएको छ ।