१० लाख रुपैयाँसहित काठमाडौंको चुनदेवीबाट ९ जुवाडे पक्राउ

काठमाडौं— काठमाडौं महानगरपालिका—४ स्थित चुनदेवीबाट जुवा खालबाट ९ जना पक्राउ परेका छन्। यमकुमारी आलेको घरमा जुवा खेलेको र खेलाएको आरोपमा उनीहरू पक्राउ परेका हुन्।
उनीहरुको साथबाट १० लाख ११ हजार रुपैयाँ बरामद गरिएको काठमाडौं प्रहरीले जनाएको छ।
पक्राउ पर्नेमा सिन्धुपाल्चोकका ४६ वर्षीय अशोक लामा, ताप्लेजुङका ३८ वर्षीय नारायण लाबुङ, काठमाडौंका २१ वर्षीय कविर देउला, निलेश महर्जन र ४५ वर्षीय राजेश श्रेष्ठ छन्।
त्यस्तै, काठमाडौंकै ३३ वर्षीया सरिता देउला, ४८ वर्षीय दीपक महर्जन, विवेक महर्जन र ५२ वर्षीय प्रकाश शाहीलाई पनि पक्राउ गरिएको प्रहरीले जनाएको छ।
प्रकाशित मिति: मंगलबार, साउन १५, २०८१ १३:३३













