काठमाडौं—  स्थानीय बजारमा सुनको मूल्य आज प्रतितोला एक सय रुपैयाँले घटेको छ । 

नेपाल सुनचाँदी व्यवसायी महासङ्घका अनुसार सोमबार प्रतितोला एक लाख ४६ हजार एक सय रुपैयाँमा कारोबार भएको छापावाला सुन आजका लागि भने एक लाख ४६ हजार रुपैयाँ निर्धारण भएको छ।

यस्तै, सोमबार प्रतितोला एक लाख ४५ हजार चार सय रुपैयाँमा कारोबार भएको तेजाबी सुनको मूल्य आज एक लाख ४५ हजार तीन सय रुपैयाँ निर्धारण भएको छ। 

चाँदीको मूल्य तोलामा १० रुपैयाँले घटेको छ। सोमबार प्रतितोला एक हजार सात सय ५० रुपैयाँमा कारोबार भएको चाँदी आजका लागि भने एक हजार सात सय ४० रुपैयाँ निर्धारण भएको छ।