काठमाडौं— स्थानीय बजारमा सुनको मूल्य आज तोलामा चार सय रुपैयाँले वृद्धि भएको छ। 

नेपाल सुनचाँदी व्यवसायी महासङ्घका अनुसार आइतबार प्रतितोला एक लाख ४५ हजार सात सय  रुपैयाँमा कारोबार भएको छापावाला सुन आजका लागि एक लाख ४६ हजार एक सय रुपैयाँ निर्धारण भएको छ। 

आइतबार प्रतितोला एक लाख ४५ हजार रुपैयाँमा कारोबार भएको तेजाबी सुन आजका लागि एक लाख ४५ हजार चार सय रुपैयाँ निर्धारण भएको छ। 

त्यस्तै, चाँदीको मूल्य तोलामा १० रुपैयाँले वृद्धि भएको छ। 

आइतबार प्रतितोला एक हजार सात सय ४० रुपैयाँमा कारोबार भएको चाँदीको मूल्य आज एक हजार सात सय ५० रुपैयाँ निर्धारण भएको छ।