News Griha :: न्यूजगृह
नवलपरासीमा घाँटी रेटेर युवकको हत्या
घटनास्थल।

काठमाडौं— नवलपरासी (बर्दघाट सुस्ता पश्चिम)मा घाँटी रेटेर एक युवकको हत्या भएको छ।

पाल्हिन्दन गाउँपालिका–५ हर्दीमा अज्ञात समूहले धारिलो हतियारले घाँटी रेटी २० वर्षीय रोशनकुमार बढइको हत्या गरेको नवलपरासी प्रहरी उपरीक्षक ज्ञानेन्द्र फुयालले जानकारी दिए।

रातको समयमा उनको हत्या भएको र बिहान उठेर परिवारले हेर्दा मृत अवस्थामा फेला परेपछि प्रहरीलाई खबर गरेका थिए।

त्यसपछि प्रहरी घटनास्थलमा पुगेर आवश्यक मुचुल्का उठाइ शवलाई पृथ्वीचन्द्र अस्पताल पठाएको छ। थप अनुसन्धान जारी रहेको प्रहरीले जनाएको छ।

प्रकाशित मिति: सोमबार, साउन १४, २०८१  ११:१३
Weather Update