काठमाडौं— नेपाली बजारमा आज सुनचाँदीको मूल्य बढेको छ।

आइतबार सुन तोलाको एक हजारले बढेर एक लाख ४५ हजार ७ सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ।

यसअघि शुक्रबार सुनको मूल्य तोलाको १ लाख ४४ हजार ७ सय रुपैयाँ रहेको थियो।  त्यस्तै, आज तेजाबी सुन प्रतितोला १ लाख ४५ हजार रुपैयाँमा खरिदबिक्री भइरहेको महासङ्घले जनाएको छ।

त्यस्तै आज चाँदीको मूल्य पनि बढेको छ। चाँदी आज प्रतितोला १० रुपैयाँ बढेर तोलाको १७ सय ४० रुपैयाँमा कारोबार भइरहेको महासङ्घले जनाएको छ ।