काठमाडौं— आज नेपाली बजारमा आज पनि सुनचाँदीको मूल्य बढेको छ।

बुधबार सुन तोलामा ११ सय रुपैयाँले बढेर तोलाको एक लाख ४७ हजार ४ सय रुपैयाँमा कारोबार भएको नेपाल सुनचाँदी व्यवसायी महासङ्घले जनाएको छ।

यसअघि मङ्गलबार सुनको मूल्य तोलाको १ लाख ४६ हजार ३ सय रुपैयाँ रहेको थियो।

त्यस्तै, आज तेजाबी सुन प्रतितोला १ लाख ४६ हजार ७ सय रुपैयाँमा खरिदबिक्री भइरहेको नेपाल सुनचाँदी व्यवसायी महासङ्घले जनाएको छ।

त्यस्तै आज चाँदीको मूल्य पनि बढेको छ। चाँदी आज प्रतितोला १५ रुपैयाँले बढेर १८ सय ०५ रुपैयाँमा कारोबार भइरहेको महासङ्घले जनाएको छ ।