News Griha :: न्यूजगृह
छिमेकीको हत्या गरेको आरोपमा एक जना पक्राउ

काठमाडौं— सिराहामा छिमेकीको हत्या गरेको आरोपमा एक जना पक्राउ परेका छन्।

पक्राउ पर्नेमा अर्नमा गाउँपालिका–२ ब्रहमपुरीका ५२ वर्षीय बच्चु भन्ने बचाइ महतो रहेको जिल्ला प्रहरी कार्यालय सिराहाका प्रवक्ता मुक्तिनाथ सापकोटाले जानकारी दिए।

बच्चुले गत जेठ ३ गते ब्रहमपुरीस्थित खेतमा ५३ वर्षीय बुधराम महतोलाई कोदालोले हानेर हत्या गरेको आरोप छ।

ट्याक्टर लिएर खेतमा पुगेका बुधरामलाई बचाइले कोदालो प्रहार गर्दा घटनास्थलमै मृत्यु भएको थियो। प्रहरीका अनुसार लामो समयदेखि जग्गाको विषयलाई लिएर बुधराम र बचाइबीच विवाद थियो।

घटनालगत्तै फरार भएका बचाइलाई खोजी गर्ने क्रममा सिराहाको औरही गाउँपालिका–१ दरहैयास्थित सीमा क्षेत्रबाट पक्राउ गरिएको डीएसपी सापकोटाले बताए।

बचाइमाथि कर्तव्य ज्यान मुद्दामा ३ दिनको म्याद थपेर अनुसन्धान गरिरहेको जिल्ला प्रहरी कार्यालय सिराहाले जनाएको छ। 

प्रकाशित मिति: मंगलबार, साउन ८, २०८१  १०:२९
Weather Update