काठमाडौं— नेपाल स्टक एक्सचेञ्ज (नेप्से) परिसूचक आइतबार ६१ अङ्कले बढेको छ। आज नेप्से ६१.६१ अङ्कले बढेर दुई हजार चार सय ८५.९४ को विन्दुमा कायम भएको हो।

आज ३१५ कम्पनीको ४ करोड ११ लाख ९५ हजार ५३४ कित्ता शेयर एक लाख ७७ हजार ४६७ पटक खरिदबिक्री हुँदा १५ अर्ब २३ करोड ८२ लाख ७१ हजार २९० बराबरको कारोबार भएको छ।

आज सबै भन्दा बढी  व्यापार समूहको उपसूचकमा ६.८० प्रतिशतले बढेको छ। त्यस्तै बैङ्किङ समूहको ३.८६ प्रतिशतले बढेको छ।

त्यस्तौ आज युनाइटेड मोदी हाइड्रोपावर लिमिटेड, समता घरेलु लघुवित्त वित्तीय संस्था लिमिटेड र हिमालयन बैङ्क लिमिटेडको शेयर मूल्यमा आज सकारात्मक सर्किट लागेको छ भने सिक्लेस हाइड्रोपावर लिमिटेडको शेयर मूल्यमा नकारात्मक सर्किट लागेको छ।

कारोबार रकमका आधारमा आज सबैभन्दा धेरै सोल्टी होटल लिमिटेडको ३४ करोड १० लाख ९६ हजार तीन सय सात बराबरको कारोबार भएको छ भने कारोबार भएका शेयर सङ्ख्याका आधारमा आज सबैभन्दा धेरै कुमारी बैङ्क लिमिटेडको १४ लाख ९० हजार ५५० कित्ता शेयर किनबेच भएको छ।