काठमाडौं— प्रहरी प्रधान कार्यालयले ५ प्रहरी उपरीक्षक (एसपी)को काज सरुवा गरेको छ।

प्रधान कार्यालयले उदयपुरमा एसपी हरिहरनाथ योगी र तनहुँमा वीरेन्द्र बहादुर शाहीलाई पठाइएको छ।

उदयपुरका एसपी रमेश थापाको प्रधान कार्यालयस्थित अन्वेषण योजना तथा विकास निर्देशनालयमा सरुवा भएको छ।

तनहुँमा कार्यरत अपिलराज बोहरालाई राजमार्ग सुरक्षा तथा ट्राफिक व्यवस्थापन कार्यालय सुर्खेतमा पठाइएको छ। ४ महिना अघि तनहुँ सरुवा भएका बोहरा अवधि नपुग्दै तानिएका हुन्।

राजमार्ग सुरक्षा तथा ट्राफिक व्यवस्थापन कार्यालय सुर्खेतमा कार्यरत रामप्रकाश शाह राष्ट्रिय सुरक्षा परिषद्मा सरुवा भएका छन्।