२० करोड मूल्य बराबरको कोनिनसहित मलेसियन महिला पक्राउ
काठमाडौं— ठमेलबाट ठूलो परिमाणमा अवैध लागुऔषध कोकिनसहित मलेसियन महिला पक्राउ परेकी छिन्।
पक्राउ पर्नेमा मलेसियन नागरिक ४७ वर्षिया भाथुमलाइ भदिभालो रहेकी छिन्। जिल्ला प्रहरी परिसर काठमाडौंले उनको साथबाट २० करोड बराबरको ५ किलो ८२० ग्राम कोकिन बरामद गरेको जनाएको छ।
परिसरले आज पत्रकार सम्मेलन गरी उनलाई सार्वजनिक गरेको हो।
ठमेलमा शंकास्पद रुपमा लागुऔषधको कारोबार भइरहेको भन्ने सूचनाका आधारमा परिसर र प्रहरी वृत्त लैनचौरको संयुक्त टोली उनी बसेको होटल पुगेको थियो।
सो क्रममा उनलार्ई ठमेलको काठमाडौं सिटी होटलबाट नियन्त्रणमा लिइएको पत्रकार सम्मेलनमा जानकारी दिइयो।
उनी बसेको होटलको कोठा खानतलासी गर्दा ६ वटा स्कुल ब्यागमा फल्स बटम बनाएर कोकिन लुकाएको भेटिएको थियो।
उनलाई पक्राउ गरी आवश्यक अनुसन्धान भइरहेको परिसरले जनाएको छ।
प्रकाशित मिति: आइतबार, असार ३०, २०८१ १३:३४
थप समाचार
