News Griha :: न्यूजगृह
श्रीमतीको हत्या गरी ६ वर्षीय छोरा लिएर श्रीमान फरार 

काठमाडौं— रुकुम पूर्वमा श्रीमानले खुकुरी प्रहार गरी श्रीमतीको हत्या गरी फरार भएका छन्। 

रुकुम पूर्वस्थित भूमे गाउँपालिका६ का २७ वर्षीय जीवन ओलीले आफ्नी २५ वर्षीया श्रीमती अप्सरा ओलीको खुकुरी प्रहार गरी हत्या गरेको प्रहरीले जनाएको छ। 

प्रहरीका अनुसार गत शुक्रबार राति श्रीमतीको हत्यापछि उनले ६ वर्षीय छोरा आयुसलाई साथमै लगेर फरार  भएका हुन्। 

उक्त घटनाबारे एक व्यक्तिले प्रहरीमा खबर गरेपछि प्रहरी टोली परिचालन गरेर आवश्यक अनुसन्धान भइरहेको छ। 

घरायसी झगडाका कारण अप्सरामाथि खुकुरी प्रहार भएको र अत्यधिक रक्तश्रावका कारण उनको मृत्यु भएको प्रहरीको प्रारम्भिक अनुसन्धानले देखाएको छ। 

प्रकाशित मिति: आइतबार, असार ३०, २०८१  १२:१०
Weather Update