काठमाडौं— साताको पहिलो कारोबार दिन आइतबार नेपाली बजारमा सुनको मूल्यमा स्थिरता छाएको थियो।

यसअघि गत शुक्रबार प्रतितोला छापावाला सुनको मूल्य १ लाख ४६ हजार ७ सय कायम भइ कारोबार भएको थियो। जुन हालसम्मकै उच्च मूल्य रहेको थियो। 

आज पनि सोही मूल्य कायम भइ कारोबार भइरहेको नेपाल सुनचाँदी व्यवसायी महासंघले जनाएको छ। 

महासंघका अनुसार आज तेजावी सुनको मूल्य १ लाख ४६ हजार रहेको छ। 

शुक्रबारको तुलनामा आज चाँदीको मूल्य भने तोलामा २५ रुपैयाँले गिरावट आएको छ। शुक्रबार चाँदीको प्रतितोला मूल्य १ हजार ९ सय रहेकोमा आज मूल्य गिरावट आइ १ हजार ८ सय ७५ रहेको छ।