रुपन्देही— बुटवलमा नेकपा एमालेको भ्रातृ संगठन युवा संघ नेपालका कार्यकर्ता रवि थापाको हत्यामा संलग्न रहेको आरोप लागेका दुई जनालाई प्रहरीले पक्राउ गरेको छ।

बुटवल–९ कालिकानगरमा रहेको मोन्टोना रेस्टुरेन्टमा थापामाथि धारिलो हतियार प्रहार गरी फरार रहेका बुटवल–११ का ३० वर्षका किशोर कुँवर र बुटवल–२ का २५ वर्षका पुष्कर कार्कीलाई प्रहरीले पक्राउ गरेको हो।

कुँवर र कार्कीलाई हिरासतमा राखी थप अनुसन्धान भइरहेको रूपन्देहीका प्रहरी प्रवक्ता मनोहर भट्टले बताए। 

गत जेठ ३ गते रेस्टुरेन्टमा थापामाथि छुरा प्रहार भएको थियो। गम्भीर घाइते उनको उपचारका क्रममा असार १८ गते काठमाडौंको शिक्षण अस्पतालमा मृत्यु भएको थियो।