काठमाडौं— आज नेपाली बजारमा सुनको मूल्यले नयाँ कीर्तिमान बनाएको छ। 

शुक्रबार सुनको मूल्य १८ सय रुपैयाँले बढेसँगै अहिलेसम्मको सर्वाधिक मूल्य भएको हो। आज सुन तोलाको १ लाख ४६ हजार ७ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ। यो सुनको अहिलेसम्मकै सर्वाधिक मूल्य हो। 

यसअघि बिहीबार सुनको तोलाको १ लाख ४४ हजार ९ सय रुपैयाँमा कारोबार भएको थियो। 

त्यस्तै, आज तेजाबी सुन प्रतितोला १ लाख ४६ हजार रुपैयाँमा खरिदबिक्री भइरहेको महासंघले जनाएको छ ।

त्यस्तै आज चाँदीको मूल्यमा पनि वृद्धि भएको छ। चाँदी आज प्रतितोला १५ रुपैयाँ बढेर तोलाको १ हजार ९०० रुपैयाँमा कारोबार भइरहेको महासंघले जनाएको छ।