काठमाडौं— सोमबार नेपाली बजारमा सुनको मूल्य घटेको छ भने चाँदीको मूल्य स्थिर रहेको छ। सोमबार सुनको मूल्य तोलामा ४ सय रुपैयाँले घटेर तोलाको १ लाख ४५ हजार रुपैयाँमा कारोबार भएको छ। 

यसअघि आइतबार छापावाल सुन प्रतितोला एक लाख ४५ हजार ४ सय रुपैयाँमा कारोबार भएको थियो।

त्यस्तै, आज तेजाबी सुन प्रतितोला १ लाख ४४ हजार ३ सय रुपैयाँमा खरिदबिक्री भइरहेको नेपाल सुनचाँदी व्यवसायी महासंघले जनाएको छ।

त्यस्तै आज चाँदीको मूल्य भने स्थिर रहेको छ। चाँदी आज प्रतितोला १ हजार ८९० रुपैयाँमा कारोबार भइरहेको महासंघले जनाएको छ ।