काठमाडौं— आइतबार नेपाली बजारमा सुनको मूल्य तोलामै ४ हजारले गिरावट आएको छ। 

शुक्रबार प्रतितोला छापावाला सुनको मूल्य १ लाख ४५ हजार  कायम भइ कारोबार भएको थियो। उक्त मूल्य हालसम्मकै उच्च हो। 

आज मूल्यमा गिरावट आइ १ लाख ४१ हजार कायम भइ कारोबार भइरहेको नेपाल सुनचाँदी व्यवसायी महासंघले जनाएको छ। 

त्यस्तै आज तेजावी सुनको मूल्य १ लाख ४० हजार ३ सय रहेको छ। 

महासंघका अनुसार आज चाँदीको मूल्य तोलामा ७५ रुपैयाँले गिरावट आएको छ। शुक्रबार चाँदीको मूल्य तोलामा १ हजार ९ सय रहेको थियो। आज मूल्य गिरावट आइ १ हजार ८ सय २५ कायम भइ कारोबार भइरहेको छ।