काठमाडौं— बिहीबार नेपाली बजारमा सुनको मूल्यले नयाँ रेकर्ड बनाएको छ। 

बुधबारको तुलनामा आज सुनको मूल्य तोलामा १ हजार ८ सयले बढेको हो। हिजो प्रतितोला छापावाला सुनको मूल्य १ लाख ४२ हजार २ सय रहेकोमा आज १ लाख ४४ हजार कायम भइ कारोबार भइरहेको नेपाल सुनचाँदी व्यवसायी महाहसंघले जनाएको छ। यो हालसम्मकै उच्च मूल्य हो। यसअघि सुनको मूल्य १ लाख ४२ हजार ७ सय कायम भएको थियो। 

त्यस्तै आज तेजावी सुनको मूल्य १ लाख ४३ हजार ३ सय कायम भएको छ। 

त्यसैगरी आज चाँदीको मूल्य पनि तोलामा २५ रुपैयाँले वृद्धि भएको छ। हिजो प्रतितोला चाँदीको मूल्य १ हजार ८ सय २५ रहेकोमा आज १ हजार ८ सय ५० कायम भएको हो।