काठमाडौं— मंगलबार नेपाली बजारमा सुनको मूल्यले नयाँ रेकर्ड कायम गरेको छ। 

सोमबार प्रतितोला छापावाला सुनको मूल्य १ लाख ४१ हजार रहेको थियो। आज प्रतितोला सुनको मूल्य १ हजार ७ सयले वृद्धि भइ १ लाख ४२ हजार ७ सय कायम भइ कारोबार भइरहेको नेपाल सुनचाँदी व्यवसायी महासंघले जनाएको छ। यो हालसम्मकै उच्च मूल्य हो। 

त्यसो त यसअघि जेठ १८ गते शुक्रबार सुनको मूल्य १ लाख ४२ हजार २ सय कायम भएको थियो। आज उक्त रेकर्ड तोड्दै सुनको मूल्यले नयाँ रेकर्ड बनाएको हो। 

त्यस्तै तेजावी सुनको मूल्य १ लाख ४२ हजार रहेको छ। 

महासंघका अनुसार आज चाँदीको मूल्य तोलामा २५ रुपैयाँले वृद्धि भएको छ। सोमबार १ हजार ८ सय ३५ प्रतितोला कायम भइ कारोबार भएको सुनको मूल्य आज १ हजार ८ सय ६० मा कारोबार भइरहेको छ।