काठमाडौं— साताको पहिलो दिन नेपाली बजारमा सुनको मूल्यमा सामान्य गिरावट आएको छ। गत कारोबार दिन शुक्रबार नेपाली बजारमा सुनको मूल्य हालसम्मकै उच्च बिन्दुमा पुगेको थियो।

सो दिन प्रतितोला छापावाला सुनको मूल्य १ लाख ४२ हजार २ सय रहेको थियो। आज भने तोलामा २ सयले गिरावट आइ सुनको मूल्य १ लाख ४२ हजार कायम भइ कारोबार भइरहेको नेपाल सुनचाँदी व्यवसायी महासंघले जनाएको छ। 

त्यस्तै आज तेजावी सुनको मूल्य १ लाख ४१ हजार ३ सय रहेको छ। 

त्यसो त आज चाँदीको मूल्यमा पनि तोलामा २५ रुपैयाँले गिरावट आएको छ। शुक्रबार चाँदीको मूल्य १ हजार ८ सय ७५ रहेकोमा आज १ हजार ८ सय ५० कायम भइ कारोबार भइरहेको महासंघले जनाएको छ।