काठमाडौं— नेपाली बजारमा सुनको मूल्यले हालसम्मको रेकर्ड तोडेको छ। 

शुक्रबार प्रतितोला छापावाला सुनको मूल्य १ लाख ४२ हजार २ सय कायम भएको छ। यो हालसम्मकै उच्च मूल्य हो। यसअघि सुनको मूल्य १ लाख ४१ हजार ८ सय कायम भइ रेकर्ड बनाएको थियो। 

बिहीबार प्रतितोला छापावाला सुनको मूल्य १ लाख ४० हजार ५ सय रहेको थियो। आज तोलामा १ हजार ७ सयले वृद्धि भएको हो।  त्यस्तै आज तेजावी सुनको मूल्य १ लाख ४१ हजार ५ सय रहेको छ। 

त्यसो त चाँदीको मूल्यमा भने सामान्य गिरावट आएको छ। बिहीबार प्रतितोला चाँदीको मूल्य १ हजार ९ सय रहेकोमा आज १ हजार ८ सय ८५ कायम भइ कारोबार भइरहेको छ।