काठमाडौं— बुधबार नेपाली बजारमा सुनचाँदीको मूल्यमा वृद्धि भएको छ। 

गत कारोबार दिन मंगलबार बजारमा प्रतितोला छापावाला सुनको मूल्य १ लाख ३७ हजार ६ सय रहेको थियो। आज उक्त मूल्य तोलामा ६ सयले वृद्धि भइ १ लाख ३८ हजार २ सय कायम भइ कारोबार भइरहेको नेपाल सुनचाँदी व्यवसायी महासंघले जनाएको छ। 

त्यस्तै आज तेजावी सुनको मूल्य १ लाख ३७ हजार ५ सय ५० रहेको छ। 

महासंघका अनुसार चाँदीको मूल्य तोलामा १० रुपैयाँले वृद्धि भएको छ। मंगलबार चाँदीको मूल्य प्रतितोला १ हजार ९ सय २० रहेकोमा आज मूल्य वृद्धि भइ १ हजार ९ सय ३० कायम भइ कारोबार भइरहेको छ।