काठमाडौं— सरकारले आगामी आर्थिक वर्ष आगामी आर्थिक वर्ष २०८१/८२ मा देशको आर्थिक वृद्धिदर ६ प्रतिशत पुर्‍याउने लक्ष्य राखेको छ।

मंगलबार अर्थमन्त्री वर्षमान पुनले आगामी आर्थिक वर्षको बजेट घोषणाका क्रममा ६ प्रतिशतको आर्थिक वृद्धि  लक्ष्य लिइएको जानकारी गराए।

त्यस्तै उनका अनुसार आगामी आर्थिक वर्ष मूल्यवृद्धि ५ दशमलव ५ प्रतिशतमा सीमित राख्ने लक्ष्य बजेटले लिएको छ। 

बजेट वक्तव्य प्रस्तुत गर्दै अर्थमन्त्री पुनले चालु आर्थिक वर्षमा देशले ३ दशमलव ९ प्रतिशत मात्रै आर्थिक वृद्धि हासिल गर्न सक्ने जानकारी गराएका हन्।

सरकारले आगामी आर्थिक वर्षका लागि १८ खर्ब ६० अर्ब ३० करोड बजेट विनियोजन गरेको छ।