काठमाडौं— साताको पहिलो दिन शेयर बजारमा दोहोरो अंकको गिरावट आएको छ। यद्यपि कारोबार रकम भने उल्लेख्य घटेको छैन। आइतबार नेप्से परिसूचक २२.१४ अंकले घट्दै २१०९.३४ मा छ। 

१ करोड १० लाख ४४ हजार ४८५ कित्ता शेयर ४ अर्ब ४४ करोड १५ लाख रुपैयाँमा कारोबार भएको छ। शेयर बजारलाई ३.३७ प्रतिशतले बढेको होटल तथा पर्यटन उपसमूहले थामेको छ। १३ मध्ये होटल तथा पर्यटन र म्युचुअल फण्डबाहेक अन्य सबै उपसमूह घटेका छन्। 

२१५ कम्पनीको शेयरमूल्य घट्दा फाइनान्स उपसमूह सर्वाधिक २.१९ प्रतिशतले घटेको छ। २९ कम्पनीको शेयरमूल्य बढेको छ भने ३ कम्पनीको स्थिर छ। 

कालिञ्चोक दर्शनको शेयर बढेर सर्किट लागेको छ। सिटी होटल पनि ८.२४ प्रतिशतले बढेको छ। सर्वाधिक कारोबार हुने कम्पनीमा आइएमई लाइफ इन्स्योरेन्स छ। उक्त बीमा कम्पनीको १५ करोड ६६ लाख रुपैयाँको शेयर किनबेच भएको छ। 

यसैगरि सीइडीबी हाइड्रोपावरको १५ करोड ३१ लाख, फस्र्ट माइक्रोफाइनान्स लघुवित्तको १४ करोड ८१ लाख, नबिल बैंकको १३ करोड ४० लाख र सोल्टी होटलको १० करोड रुपैयाँको शेयर कारोबार भएको छ।