काठमाडौं— बिहीबार नेपाली बजारमा सुनचाँदीको मूल्यमा गिरावट आएको छ। 

अघिल्लो कारोबार दिन बुधबार प्रतितोला छापावाला सुनको मूल्य १ लाख ४० हजार ५ सय रहेको थियो। त्यस्तै आज सुनको मूल्य तोलामा १ हजार ८ सयले गिरावट आइ १ लाख ३८ हजार ७ सयमा कारोबार भइरहेको नेपाल सुनचाँदी व्यवसायी महासंघले जनाएको छ। 

त्यस्तै आज तेजावी सुनको मूल्य १ लाख ३८ हजार ५० रहेको छ। 

बुधबारको तुलनामा बिहीबार चाँदीको मूल्य पनि तोलामा ३५ रुपैयाँले गिरावट आएको छ। बुधबार चाँदीको मूल्य तोलामा १ हजार ९ सय रहेकोमा आज १ हजार ८ सय ६५ कायम भइ कारोबार भइरहेको महासंघले जनाएको छ।