काठमाडौं— मंगलबार नेपाली बजारमा सुनको मूल्यमा गिरावट आएको छ। 

सोमबार प्रतितोला छापावाल सुनको मूल्य १ लाख ४१ हजार ८ सय कायम भइ कारोबार भएको थियो। जुन हालसम्मकै उच्च मूल्य थियो। आज तोलामा १ हजार २ सयले गिरावट आइ १ लाख ४० हजार ६ सय कायम भइ कारोबार भइरहेको नेपाल सुनचाँदी व्यवसायी महासंघले जनाएको छ। 

त्यस्तै आज तेजावी सुनको मूल्य १ लाख ३९ हजार ९ सय कायम भएको छ। 

त्यस्तै आज चाँदीको मूल्यमा पनि गिरावट आएको छ। सोमबार १ हजार ९ सय ४० प्रतितोलामा कारोबार भएको चाँदीको मूल्य आज १ हजार ८ सय ८५ कायम भइ कारोबार भइरहेको छ।