काठमाडौं— आइतबार नेपाली बजारमा सुनचाँदीको मूल्यले हालसम्मकै रेकर्ड ‘ब्रेक’ गरेको छ।  

नेपाल सुनचाँदी व्यवसायी महासंघका अनुसार शुक्रबारको तुलनामा आज सुनको मूल्य तोलामा १ हजार १ सयले वृद्धि हुँदै नयाँ रेकर्ड कायम भएको हो।

आज प्रतितोला छापावाला सुनको मूल्य १ लाख ४० हजार ९ सय कायम भइ कारोबार भइरहेको छ। यसअघि शुक्रबार सुनको मल्य १ लाख ३९ हजार ३ सयमा कारोबार भएको थियो। 
    
यस्तै आज तेजावी सुनको मूल्य १ लाख ४० हजार दुई सय निर्धारण भएको छ।

त्यस्तै चाँदीको मूल्यले पनि नयाँ रेकर्ड कायम गरेको छ। 

महासंघका अनुसार आज चाँदी प्रतितोला ११० रुपैयाँले बढेर १ हजार ९ सय १० रुपैयाँमा कारोबार भइरहेको छ।