काठमाडौं— बिहीबार हालसम्मकै उच्च बिन्दुमा पुगेको सुनको मूल्य शुक्रबार सामान्य घटेको छ।

नेपाल सुनचाँदी व्यवसायी महासंघका अनुसार छापावाला सुन बिहीबार प्रतितोला  १ लाख ४० हजारमा कारोबार भएकामा आजका लागि १ लाख ३९ हजार ३ सय निर्धारण भएको छ।

यस्तै तेजाबी सुन बिहीबार तोलामा १ लाख ३९ हजार ३ सयमा कारोबार भएकामा आज १ लाख ३८ हजार ६ सय ५० तय भएको छ।

चाँदीको मूल्य पनि तोलामा ५ रुपैयाँले घटेको छ। बिहीबार तोलामा १ हजार ८ सय ५ रुपैयाँमा कारोबार भएको चाँदीको भने १ हजार ८ सय कायम भइ कारोबार भइरहेको छ।