काठमाडौं— सोमबार नेपाली बजारमा सुनको मूल्यमा सामान्य गिरावट आएको छ।

नेपाल सुनचाँदी व्यवसायी महासंघका अनुसार छापावाला सुन आइतबार प्रतितोला १ लाख ३८ हजार ४ सयमा कारोबार भएकामा आजका लागि भने १ लाख ३८ हजार १ सय निर्धारण भएको छ।

यस्तै तेजाबी सुनको मूल्य १ लाख ३७ हजार ४ सय ५० निर्धारण भएको छ।

त्यस्तै चाँदीको मूल्य तोलामा १० ले ओरालो लागेको छ। आइतबार प्रतितोला १ हजार ७ सय २५ मा कारोबार भएको चाँदी आजका लागि भने १ हजार ७ सय १५ कायम भइ कारोबार भइरहेको महासंघले जनाएको छ।