काठमाडौं— सर्वोच्च अदालतले सिधाकुरा अनलाइनले सार्वजनिक गरेको ‘द डार्क फाइल’को अडिओ स्रोतसँग पनि बयान लिने भएको छ ।
बिहीबार सर्वोच्चका न्यायाधीशद्वय हरिप्रसाद फुयाल र महेश शर्मा पौडेलको संयुक्त इजलासले सिधाकुरालाई अडिओ उपलब्ध गराउने ललितपुरका राजकुमार तिमिल्सिनालाई बयानका लागि बोलाउन आदेश दिएको हो।
न्यायाधीशद्वय फुँयाल र पौडेलको इजलासले सिधा कुरा डटकमका प्रकाशक युवराज कँडेलको बयान लिएपछि 'स्टिङ अप्रेसन' गर्ने भनिएका तिमल्सिनालाई बयानका लागि बोलाउने आदेश गरेको हो ।
सर्वोच्चमा बयानका क्रममा सिधाकुराका प्रकाशकसमेत रहेका युवराज कँडेलले आफूहरूलाई तिमिल्सिनाले अडिओ उपलब्ध गराएको बताएका थिए।
तिमल्सिना अख्तियार दुरुपयोग अनुसन्धान आयोगका लागि 'स्टिङ अप्रेसन' गर्ने र सरकारी साक्षी बस्ने लगायतका काममा विगतमा संलग्न भएका व्यक्ति हुन्।
सिधाकुराका सम्पादक नवीन ढुंगाना र प्रकाशक कँडेललाई बिहीबार अदालतको अवहेलना मुद्दा बयानका लागि बोलाइएको थियो। बिहीबार कँडेलको मात्रै बयान सकिएको छ। ढुंगानालाई शुक्रबार बयानका लागि बोलाइएको छ।
-1715770493.jpg)
