काठमाडौं— नेपाल राष्ट्र बैंकले बुधबारका लागि विदेशी मुद्राको विनिमयदर सार्वजनिक गरेको छ।

राष्ट्र बैंकका अनुसार अमेरिकी डलर एकको खरिददर १३३ रुपैयाँ ०६ पैसा रहेको छ भने बिक्रीदर १३३ रुपैयाँ ६६ पैसा रहेको छ। मंगलबार अमेरिकी डलर एकको खरिददर १३३ रुपैयाँ ०९ पैसा र बिक्रीदर १३३ रुपैयाँ ६९ पैसामा कारोबार भएको थियो। 

त्यस्तै आज युरो एकको खरिद दर १४१ रुपैयाँ ९८ पैसा र बिक्रीदर १४२ रुपैयाँ ६२ पैसा रहेको छ । मंगलबार एक युरोको खरिददर १४१ रुपैयाँ ५७ पैसा र बिक्रीदर १४२ रुपैयाँ २१ पैसा रहेको थियो। 

यस्तै, बेलायती पाउण्ड एकको खरिददर १६४ रुपैयाँ ८४ पैसा रहेको छ भने बिक्रीदर १६५ रुपैयाँ ६८ पैसा पुगेको छ। मंगलबार एक पाउण्डको खरिददर १६३ रुपैयाँ ९३ पैसा र बिक्रीदर १६४ रुपैयाँ ६७ पैसा कायम थियो। 

बुधबार कतारी रियालको मूल्य बढेको छ। मंगलबार एक रियालको खरिददर ३५ रुपैयाँ ४८ पैसा र बिक्रीदर ३५ रुपैयाँ ६४ पैसा तोकिएकोमा आज रियाल एकको खरिददर ३६ रुपैयाँ ४८ पैसा र बिक्रीदर ३६ रुपैयाँ ६४ पैसामा कारोबार भैरहेको छ।