काठमाडौं— बुधबार सुनको मूल्यमा स्थिरता छाएको छ। 

मंगलबार प्रतितोला छापावाला सुनको मूल्य १ लाख ३९ हजार २ सय कायम भइ कारोबार भएको थियो, जुन हालसम्मकै उच्च हो।

तर आज मूल्य स्थिर भइ सोही मूल्यमा कारोबार भइरहेको नेपाल सुनचाँदी व्यवसायी महासंघले जनाएको छ। त्यस्तै आज तेजावी सुनको मूल्य पनि १ लाख ३८ हजार ५ सय ५० कायम भएको छ। 

महासंघका अनुसार आज चाँदीको मूल्य भने तोलामा ३५ रुपैयाँले गिरावट आएको छ। मंगलबार चाँदीको मूल्य तोलामा १ हजार ७ सय ५० रहेकोमा आज मूल्य गिरावट भइ १ हजार ७ सय १५ कायम भइ कारोबार भइरहेको महासंघले जनाएको छ।