काठमाडौं— शेयर बजार मापक परिसूचक नेप्से आइतबार २.३५ अंकले घट्दै २०२३.३५ बिन्दुमा रह्यो । कारोबार रकम ३ अर्ब ६ करोड रुपैयाँमा सीमित भएको हो। 

१३ मध्ये ९ उपसमूह घट्दा परिसूचक घटेको हो । फाइनान्स, जलविद्युत, लघुवित्त र व्यापारबाहेकका सबै उपसमूह घटेका छन् । सर्वाधिक निर्जीवन बीमा उपसमूह १.०३ प्रतिशतले घटेको छ।

कारोबार भएका कम्पनीमध्ये १२७ को शेयरमूल्य बढेको छ भने १०८ वटाको मूल्य घटेको छ । १० कम्पनीको शेयर मूल्य स्थिर रह्यो। घटेको बजारमा पनि सृजनशील लघुवित्तको शेयरमूल्य बढेर सर्किट लागेको छ। त्यस्तै एनआइसी एसिया लघुवित्त, दोल्ती पावर र राप्ती हाइड्रो बढ्नेको सूचीमा छन्। 

सर्वाधिक शेयर किनबेच सानीमा माई हाइड्रोपावरको भएको छ। सानिमाको शेयर २१ करोड ४७ लाख रुपैयाँको किनबेच भएको छ। यस्तै पोखरा फाइनान्सको ११ करोड ७ लाख, ग्यादी ग्रुप अफ पावरको १० करोड ३८ लाख र सूर्यज्योति लाइफ इन्स्योरेन्सको शेयर ८ करोड ९२ लाख रुपैयाँको किनबेच भएको छ। 

घटेका शेयरमा गुराँस लघुवित्तको नकारात्मक सर्किट नै लागेको छ। हिमालयन ८०–२०, तेह्रथुम पावर, तारागाउँ सिजेन्सी, ग्लोबल आइएमई ब्यालेन्स्ड फण्ड–१ को शेयरमूल्य घटेको छ।