काठमाडौं— नेपाली बजारमा सुनको मूल्य एकैदिन प्रति तोला दुई हजार ६ सय रुपैयाँले बढेको छ। 

आज सुन प्रतितोला एक लाख २७ हजार आठ सय रुपैयाँमा कारोबार भइरहेको सुनचाँदी व्यवसायी महासंघले जनाएको छ। बुधबार प्रतितोला एक लाख २५ हजार दुई सयमा कारोबार भएको सुन आज प्रतितोला दुई हजार ६ सय रुपैयाँले बढेर एक लाख २७ हजार आठ सय तोकिएको महासंघले जनाएको छ। 

आज आज तेजाबी सुनको मूल्य प्रतितोला एक लाख २७ हजार दुई सय निर्धारण गरिएको छ।

त्यस्तै चाँदीको मूल्य प्रति तोलामा ३५ रुपैयाँले वृद्धि भएको छ। बुधबार प्रति तोला एक हजार पाँच सय २० रुपैयाँमा कारोबार भएको चाँदीको मूल्य आज एक हजार पाँच सय ५५ निर्धारण गरिएको छ।