काठमाडौं— सुनको मूल्य घटेको छ । नेपाल सुनचाँदी व्यवसायी महासङ्घका अनुसार सुन तोलामा ६ सय रुपैयाँ सस्तो भएको हो ।

योसँगै आइतबार छापावाल सुन १ लाख १८ हजार ९ सय र तेजाबी सुन १ लाख १८ हजार ३ सय ५० रुपैयाँमा कारोबार भएको छ । यता चाँदीको मूल्य पनि २० रुपैयाँ प्रतितोला सस्तो भएको छ ।

योसँगै आज चाँदी १ हजार ३ सय ९५ रुपैयाँ प्रतितोला मूल्यमा कारोबार भएको छ । अन्तर्राष्ट्रिय बजारमा सुन प्रतिऔँस २ हजार ३९ अमेरिकी डलरमा कारोबार भइरहेको एजेन्सीहरूले जनाएका छन् ।