काठमाडौं— नेपाल लाइफ इन्स्योरेन्सको आयोजनामा पुस २३ गते काठमाडौंमा ‘एमडीआरटी’ अचिभर्स अवार्ड,२०२४ सम्पन्न भएको छ । सन् २०२३ को जनवरी देखि डिसेम्बर अन्तिम सम्ममा एमडीआरटी २०२४ का लागि योग्य भएका ११६ जना अभिकर्तालाई सम्मानित गरिएको छ ।

कम्पनीका प्रमुख कार्यकारी अधिकृत प्रवीण रमण पराजुलीले स्वागत मन्तव्य व्यक्त गर्दै कम्पनीले वर्ष सकिएको आठ दिन भित्र नै भव्य कार्यक्रम आयोजना गर्न पाउँदा हर्षित भएको बताए । 

नेपाल लाइफले बीमा बजारको एक चौथाई भन्दा बढी हिस्सा ओगटेको र आगामी दिनमा आम नागरिक बीच बीमाको पहुँचलाई विस्तार गर्दै कम्पनीको उपस्थितिलाई झन् बलियो बनाउन उनले आग्रह गरे । बीमकको माग अनुरूप बजार सुहाउँदो बीमा योजनाहरू निकट भविष्यमा नै सार्वजनिक गर्न कम्पनीले द्रुत गतिमा तयारी गरी रहेको उनले जानकारी दिए ।