काठमाडौं— रोजगारी अनुमति प्रणाली (ईपीएस) परीक्षाको विषयलाई लिएर प्रदर्शन भइरहँदा सुरक्षा संयन्त्र बेखबर रहेको पाइएको छ । 

ललितपुरको बालकुमारीमा भेला भएका युवाले सडक अवरुद्ध गरेर तोडफोड गर्दा समेत प्रहरी र ट्राफिक प्रहरी कार्यालयको उपस्थिति नदेखिएको हो ।

संघीय मन्त्री प्रकाश ज्वालाले प्रयोग गरेको बा २ झ ५८६१ नम्बरको गाडी रोकेर उनीहरूले सुरुमा हावा खुस्काएका थिए । लगत्तै उनीहरूले गाडीमा आगजनी समेत गरेका छन् । घटनापछि मात्रै जिल्ला प्रहरी परिसर, ललितपुरको टोली बालकुमारी पुगेको हो । 

अहिले ललितपुरमा प्रदर्शनकारीले सडक अवरुद्ध पारेका छन् ।