काठमाडौं—  कारोबारको पाँचौ दिन आज नेपाली बजारमा आज सुनको मूल्य २ हजार ८ सय रुपैयाँले बढेको छ।

बुधबार १ लाख १६ हजार रुपैयाँमा कारोबार भएको छापावाल सुन आज १ लाख १८ हजार ८ सयमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

त्यसैगरी, तेजाबी सुनको मूल्य आज तोलामा १ लाख १८ हजार २ सय ५० रुपैयाँ कायम भएको छ ।

आज चाँदीको मूल्य पनि बढेको छ । चाँदी आज ५५ रुपैयाँले बढेर १ हजार ४ सय ५५ रुपैयाँमा कारोबार भइरहेको महासङ्घले जनाएको छ ।